2022.8.24-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,544,177 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.8.17 《前一篇

後一篇》 2022.8.28

回應

給他日記貼紙

給他愛的鼓勵

檢舉

篇名: 2022.8.24
作者: C	日期: 2022.08.24　　天氣: 　心情:

今仔日是八月二四，禮拜三，我佇葛雷多摸非。
欲開工矣，紲落來明仔載開始，幾仔工透早攏開會。
這幾日的代誌小可記一下：
8/18(四)
8/19(五)本來中晝我講欲買披薩，結果佮講毋免。因為阿妹仔轉去嘉義猶未轉來。阿姐買便當來。
下晡去取囡仔下課了，阿妹仔規家轉來矣，囡仔誠歡喜。
暗時太太載囡仔去噗噗嚕，我順紲去納電話錢，佮騎去圖書館還囡仔冊，
8/20(六)先去葛雷多摸非了，載某囝去臺中。
8/21(日)太太透早臨時講欲去坐海線，我本來計畫是隔日才去。看火車時間了，車先駛去彰化囥。
因為傷晏，結果買慢一點鐘的車，就先去食飯。
坐去白沙屯站。囡仔干焦愛看火車，過平交道就講欲停落來等火車過，真正予伊講著，火車來矣。我攏笑伊屎喙。
行入去一條巷仔，先買李記的大餅，提去拜拜。
囡仔嘛欲博杯，我就教伊唸，囡仔就講伊是啥物人，以後想欲做農夫，結果聖桮
囡仔閣想欲學人抽籤，我閣教伊唸了，博聖桮了，抽一枝籤，結果陰桮，閣抽另外一枝嘛是無桮
我就安慰講媽祖婆一定是講做穡誠好，無過伊猶細漢，未來猶久，變數成大，代誌誠歹講。
出來了伊吵講欲買汪汪隊雞圭，但是我講提雞圭袂當做火車，因為驚會飛去卡到電纜線
伊佮吵欲金箍棒玩具，我嫌一枝兩百誠貴，因為提轉去耍一時仔，哥哥妹妹嘛欲耍，耍兩日就囥咧陣路
伊嘛誠乖，無閣繼續吵。行轉去欲坐車，雖然誠悿咧愛睏，伊嘛乖乖行路，我佮太太就一路攏共鼓勵
伊是愛睏才會花、會吵，無是誠聽話，愛人陪爾。
轉到台中已經七點矣。
欲去欲轉來攏拄到一對老翁仔某，伊嘛是提TRpass欲貼車票。
我車無當停，只好停佇自助餐門口。
8/22(一)透早買早頓了，忽然想到愛徙車，自助餐頭家已經佇我的車邊仔攏囥物件矣。
我隨會失禮，講傷晏來，了，毋知欲囥佗位，先開去廟埕，拍一下仔電動，
佮駛轉去，只好停路邊弓蕉樹跤，無偌久，二哥欲上班，叫我徙轉來囥。總算解決。
竹山大姊轉來矣，二嫂嘛歇睏佇厝。大姊佮姊夫敢若有問題。所以毋予大姊駛車，共車鎖匙提走。講是驚大漢後生偷駛車。
大姊就坐客運來，阿嫂去共載。
逐家攏講姊夫個性傷怪。莫怪大漢後生性地嘛誠親像，有可能會休學。
講著這水的少年仔。三家的個性攏無相仝。
阿翰較無簡單，平平大學生，雖然較讀無冊，
無過逐工透早攏佇國校先兼球隊教練了，才去上課。拜六禮拜佮會去做裁判趁錢
最近開始學駛車。
阿嫂攏笑講伊，家己攏講伊愛錢，大一開始就甘願去捧盤仔，我想應該是有兩位阿兄做好範予看。
伊嘛會和人交陪，聽人講話，聽看有機會。所以學長、貴人嘛濟，有機會攏會共介紹
大姐兜的阿宏雖然頭腦較巧，較摮讀冊，毋過性地較阿舍型，袂輸家己偌大咧
阮兜阿姐彼咧阿旭，較惦，毋過較懶絲，太太攏講伊傷順傷好過
因為阿姐姊夫攏會替伊想好好。
看別人教囡仔，就是家己上好的參考。
這家己少年時陣攏袂曉的，無想到這馬我嘛愛替囡仔要意矣。
下晡欲轉去順紲載大姊轉去竹山。順紲買番薯糖轉去。

8/23(二)透早出門拄到阿爸嘛欲出門，先載伊去買報紙，我去里歐買早頓，開兩百十箍
閣去買薰，來葛雷多摸非，計畫煞攏毋進度。
轉去食糜了，載囝仔佮太太出門，先載囡仔去學校，佮載太太越去鳳山予人喬
中晝阿母講欲去大遠百請阿妹規家。大戶屋訂好矣
結果我刷卡，無予阿母出
食了取伊去十七樓文具部耍囡仔愛的吸石，
下晡先轉來拍電動。佮去取囡仔下課，先陪伊走運動埕一輪。

8/24(三)

標籤:

瀏覽次數:173 人氣指數:373 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：