2023.9.2(六)-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,545,616 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.8.20 《前一篇

後一篇》 2023.9.9

回應

給他日記貼紙

給他愛的鼓勵

檢舉

篇名: 2023.9.2(六)
作者: C	日期: 2023.09.02　　天氣: 　心情:

今仔日是九月初二，禮拜六。我佇葛雷多摸非。
今仔日欲去草地舊厝，佮阿舅阿妗食飯。本來約頂禮拜，因為二舅無閒，徙來這禮拜。
小妹拜四下晡轉去美國，暗時十一點的飛行機，講若加轉機歇睏，就愛三十點鐘才會到厝。
拜四透早我先調班、請假，去市政府開消保會。佮建設公司和設計師參詳協調。
這擺消保官來四位，確實有為咱消費者方面出聲。佮另外共建商代表、設計師叫出去講。
這擺我攏予太太出面講，因為我毋知欲按怎講較順，嘛驚講出來無合太太意思。
太太落尾委屈煞講甲號出來。
結果應該是會予建商退錢，但是退偌濟猶無結論，愛予伊轉去轉呈公司決定。一禮拜內結論出來。
這擺開會開較久，點半鐘外，較欲兩點鐘。
太太壓力應該誠大，出來等會議記錄時，一直講話講袂煞。
其實我一直誠欣賞彼位建商代表，人誠客氣斯文，伊有真濟方面我會當學習的所在。
無生理人喙面，煞有生理人範。
氣勢上，我較弱，按呢就無仝，毋通一直感覺家己著，愛不時調整較好。

我食菜食到八月底，昨昏中晝公司嘛是素食，暗時就開臊，結果先共進前厝裡的窮了。
前幾工，阿母的跤目煞腫起來，太太先載囡仔去學校了，閣轉來載阿母去阮綜合看骨科，
結果醫生開消炎予阿母食。過兩三日攏無消，毋知欲按怎。

拜二暗時欲睏，我陪囝仔倒咧講話，充滿對伊欲讀小學的歡喜。予伊對讀小學有一个儀式感。
拜三暗時就陪伊食暗頓，佮叫一罐涼的公家食，當作乾杯。慶祝伊第一工讀小學。
太太講有人問囝仔幾歲，伊應講：我都讀書讀五年了，今年才要上小學。

公司今年新頭家來，表面會挺員工到底，毋過前提是愛合法合理。
當然是按呢講。我煞開始緊張，因為我會摸非偷食薰，
楊董蔡董攏叫我趁機會薰改起來，

另外，頭家嘛叫阮彼棟辦公室愛收起來，驚危險。
阮愛趁九月十一進前搬了，以後就欲索鐵門矣。壓力誠大。

標籤:

瀏覽次數:197 人氣指數:197 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：